Општи услови за користење на платформата PavelAndreev.ORG

Со овие Општи услови се регулираат односите помеѓу Фондација „Павел Андреев“ преку веб страната https://pavelandreev.org/, во понатамошниот текст „Платформата“, „нас“, „ние“ или „Фондацијата“ и нејзините Корисници, во понатамошниот текст „Корисници“, „Донатори“, „Вие“, „Вас“ или „Иницијатори“, во врска со можностите што ги даваме за користење на Платформата за собирање финансиски средства за добротворни кампањи.

Ве молиме, внимателно прочитајте ги условите за користење на веб страната на Платформата, затоа што тие претставуваат договор помеѓу Вас и Платформата, а Вие како страна се согласувате со нив користејќи ја истата. Вие како донатор, примател на донации или корисник на Платформата независно под каква форма, се согласувате со подолу наведените услови. Ве молиме не ја користете Платформата ако не сте согласни со условите.

1. Дефиниции

  • Корисник – секое физичко или правно лице кое ја користи Платформата. Корисникот може да биде Донатор, Корисник на донација или Иницијатор на кампањата/каузата.
  • Донатор – секое физичко или правно лице што прави финансиска донација преку Платформата. Донаторот може да донира преку платформата неограничен број пати и средства, како и да ги споделува и распространува кампањите.
  • Донација - парично добро што се пренесува на Корисникот или на Иницијаторот на кампањата, преку Платформата, согласно со нејзините правила.
  • Корисник на донацијата - примател на донацијата. Корисникот на донацијата може да биде физичко или правно лице. Доколку корисникот е и иницијатор на кампањата/каузата, тој може во секое време да ја ажурира и прекине кампањата, како и да бара исплата на веќе собраниот износ.
  • Иницијатор на кампањата/каузата - физичко или правно лице кое ја/ги започнува кампањата/кампањите. Иницијаторот може да започне финансиска кампања на Платформата. Иницијаторот може да ја уредува или да ја прекинува кампањата во секое време, како и да побара исплата на веќе собраниот износ. Одобрувањето од Корисникот кон Иницијаторот да започне со кампања за него, е во целосна одговорност на Иницијаторот и Платформата не носи одговорност за истото.
  • Кампања – проект или кауза создадена во Платформата, со цел собирање финансиска донација.
  • Платформа – веб страната https://pavelandreev.org/. Во врска со истата можат да се развиваат и управуваат мобилни апликации и социјални медиуми.

2. Информација за платформата

  • Фондацијата „Павел Андреев“ е непрофитна организација наменета за вршење на активности од јавен интерес, со следните податоци: ЕМБС 206678629, седиште и адреса на управување: град Варна, ул. „Генерал Колев“ № 113;
  • Платформата служи за собирање средства од финансиски добротворни кампањи, создадени од Иницијатори и Корисници.
  • Кога се создаваат кампањи на Платформата, Иницијаторите и Корисниците поставуваат содржини - текстови, слики, документи, информација и видео материјали, за чијашто веродостојност, сопственост и авторство Фондацијата не носи одговорност, како и за постоењето или прекршувањето на права на трети лица. Одговорноста целосно ја сносат Иницијаторите и Корисниците.


3. Услови за користење на платформата

  • Платформата може да ја користат само лица постари од 18 години, а доколку е потребно, имаме право да побараме од Вас документ со којшто да го докажете тоа.
  • Како Иницијатор или Корисник, Ви можете да ја користите Платформата само откако ќе се регистрирате. Кога се регистрирате, ќе биде потребно да ги наведете Вашите имиња, е-мејл адреса и телефон за контакт. Платформата може да ги користи овие и/или други лични податоци доставени од Вас, само ако сте ги доставиле доброволно и во согласност со Политиката за приватност. Ве молиме, имајте во предвид дека:
    1. Треба да испраќате документи само со избришани лични податоци, а со користење на Платформата, прифаќаме дека ја изјавувате вашата согласност во случај на присуство на лични податоци кои не треба да бидат објавени, Платформата да ги избрише пред објавувањето.
    2. Вие носите одговорност за испратените лични податоци на Корисник (во случај ако лицето кое организира кампања не е вистинскиот Корисник).
    3. Со користење на Платформата, вие изјавувате и сте одговорни дека:

- каузата/кампањата што сакате да ја иницирате е реална, а во неа се презентирани само и единствено вистински документи, слики и други докази кои ја потврдуваат веродостојноста и потребата да се организира, создаде и распространи кауза/кампања;

- Свесни сте дека во случај на лажно изјавување и/или обид за злоупотреба со довербата на донатори и на Платформата, како и при злоупотреба со парични средства собрани во врска со кампањата, Вие сносите кривична одговорност и Платформата има право да ги извести надлежните органи;

- Разбирате дека Платформата треба да изврши проверка на автентичноста на кампањата, со цел избегнување злоупотреба со парични и други средства, како и да ги исполни нејзините легитимни интереси, согласно со националното и наднационалното законодавство.

- Запознаени сте со целта на Платформата, како и дека нејзината дејност е насочена и поврзана само и исклучиво со добротворност и  со помагање на луѓе/животни во тешка/неповолна состојба.

4. Платформата прифаќа дека испратените од Вас податоци се обезбедени врз основа на Вашата експлицитна, доброволна и информирана согласност и тие можат да бидат објавени на Платформата, како и на социјалните мрежи, со цел ширење, јавност и реализација на крајната цел на кампањата. Во случај ако не сакате да ја дадете Вашата експлицитна, доброволна и информирана согласност според претходната реченица, ве молиме не ја користете Платформата, а притоа ве молиме да имате во предвид дека и Одбивање и Повлекување на согласноста дадена според претходната реченица, ќе резултира со прекинување на кампањата, бидејќи ќе биде невозможно Платформата да ја организира без овој услов. Последното е причина да ја прифаќаме Вашата регистрација и активност на Платформата како конечно и доброволно дадена информирана согласност во смисла на оваа точка и Политиката за приватност.

5. Во врска со основната дејност на Платформата, а имено помагање на трети лица во нивното својство на корисници, од исклучително значење за Платформата е да објави ефективни докази за извршените лекувања, за собирање средства и други, со цел да се стимулираат донаторите, како и да е присутна целосна и јасна транспарентност за трошењето на собраните средства. Веруваме дека кампањите на Платформата ќе добијат поголем публицитет преку презентирање докази од резултатите, што пак ќе им помогне на повеќе луѓе на кои им е потребна помош, а затоа со Вашата регистрација и согласност со Општите услови со Политиката за приватност, прифаќаме дека вие ја давате вашата експлицитна, доброволна и иинформирана согласност, откако ќе заврши кампањата со собрани средства и/или поради друга настаната околност заради која е неопходно завршување на кампањата, Платформата да објави докази за нејзината реализиација и за потрошените средства.

6. Прифаќаме дека со Вашето испраќање на било каков фото-материјал до Платформата, Вие ја давате својата експлицитна, доброволна и информирана согласност за сликите обезбедени од Вас да бидат објавени на Платформата, како и на социјалните медиуми, со цел распространување, јавност и реализација на крајната цел на кампањата. Ве молиме изречно да не известите за фото-матријалите што не треба да се објавуваат.

  • Како Донатор, ќе можете да ја користите Платформата со или без регистрација - целосно по Ваша желба, а единствените задолжителни информации кои треба да се наведат се Вашето име и презиме и е-мејл адреса. Секој Донатор за време на донација, со внесување на неговата е-пошта, се согласува да добива:
    1. потврда за направената донација
    2. периодична информација за кампањата за која донирал и експлицитно одбележал добивање вести, како и е-мејл билтен на платформата. Можете да се одрегистрирате во секое време.
  • За да се најавите на платформата за регистрирани корисници, ќе треба да внесете е-мејл адреса и лозинка. 
  • Во случај ако Корисник објави лажни или невистинити податоци или изврши дејствија што се спротивни на правилата на Платформата, истата го задржува правото да ги ограничи правата на овој корисник или да го суспендира неговиот пристап до Платформата.
  • Како корисник на Платформата, вие се обврзувате: да ја користите според наменетата цел, во согласност со актуелното законодавство на Република Бугарија и важечкото странско законодавство; да ја користите во согласност со условите на одбраниот од Вас систем за плаќање (Stripe; PayPal; GooglePay; ApplePay и Условите на Алианц Банк България АД);
  • Платформата служи како врска помеѓу Корисниците, при што нема контрола и не е одговорна за веродостојноста на содржината која ја поставуваат последните. Во оваа смисла, таа (Платформата) нема да биде учесник во спорови што настанале помеѓу Корисниците. Корисниците ја користат Платформата на сопствена одговорност и се согласуваат, дека Платформата не носи одговорност за штети и пропуштена корист, која настанала како резултат на нејзината употреба.
  • Платформата го задржува своето право, во случај на потреба (оштетување, ажурирање, одржување итн.), привремено да прекине, делумно или целосно, со обезбедување пристап до неа. Платформата нема обврска да одржува, променува или додава специфични функционалности кои се побарани од одреден корисник.
  • Во случај ако Платформата не е достапна во одреден момент, поради некој од горенаведените настани, таа не носи одговорност за имотни или неимотни штети, како и за изгубени придобивки на Иницијаторите или Корисниците.
  • Платформата го задржува правото, по сопствена проценка, да одбие пристап до нејзино користење од одреден Корисник, без да биде обврзана да ги објасни причините за истото.

4. Права и обврски на Платформата:

  • Платформата има право:
  • Да Ве проверува вас и податоците што ги имате изјавено како корисник на Платформата, врз основа на применливото законодавство;
  • Да ги ограничи правата или пристапот на Корисник кој објавува лажни или невистински податоци, или кој ќе изврши дејствија кои се спротивни на правилата на Платформата;
  • Да одбие привремен или траен пристап до нејзиното користење од одреден Корисник, во случај ако: 1. има сомневање за лоша намера или за прекршување на овие услови; 2. Присутен е обид Платформата да се користи за нудење, продажба или дистрибуција на контролирани супстанции (вкл. наркотички средства, тутунски производи, лекови и др.), медицински помагала или производи или услуги кои претставуваат ризик за здравјето; 3. Тој користи навредливи, заканувачки, непристојни, поттикнувачки омраза или порнографски елементи, сексуално ориентирани материјали итн.; 4. Тој промовира учество, поттикнување, помагање, олеснување, насочување, ангажирање во активности кои се во спротивност со законите на Република Бугарија, со важечкото странско законодавство и со добриот морал.
  • Да отстранува кампањи чијашто содржина е спротивна на моралот и добрите манири; којашто е спротивна на законот; којашто е навредлива или би му наштетила на достоинството на трето лице; Платформата нема никаква обврска во однос на даночните аспекти и нивниот паричен износ, поврзан со донациите од и кон Корисниците. Информираноста за ова прашање е целосно на сметка на Корисниците. Одговорност на секој поединечен Корисник е да провери дали и какви даноци се применливи за неговиот конкретен случај, а потоа да го пријави и уплати пресметаниот данок во согласност со релевантното за него законодавство.
  • Платформата нема обврска да врши проверка за постоењето на авторски права во информацијата што Корисниците ја објавуваат. Одговорноста за ова е целосно нивна, соодветно претензиите од трети лица можат да бидат насочени исклучиво до креаторот на соодветната публикација. Платформата, во секој поединечен случај на нејзиното известување, ќе одлучи за неопходните мерки што треба да ги преземе во однос на одреден Корисник, за кој се тврди дека ги прекршил правата на трети страни;
  • Иницијаторите/Корисниците разбираат и се согласуваат дека со поставување на информации за нивната кауза на Платформата, сите материјали поврзани со неа - текстови, фотографии, видео, итн. станат јавни. Во оваа смисла, овие информации би можеле да бидат дистрибуирани од трети страни на сите можни начини, со цел да се промовира кампањата;
  • Платформата не сноси одговорност во случај на недостиг на пристап до неа и до работа поврзана со неа, поради независни од неа причини и околности надвор од нејзина контрола. Станува збор за случаи на виша сила, проблеми со Интернет, форсмажор итн.;
  • Платформата не сноси одговорност за интернет конекцијата на Корисниците и за можните проблеми кои произлегуваат од ова поврзување;
  • Платформата го задржува своето право, во случај на сомневање за злоупотреба/невистинитост на објавена кампања, да ја затвори оваа кампања во секое време, со враќање на собраните средства на Донаторите, во согласност со Условите на Stripe и PayPal, или на другите платежни системи, или да ги пренасочи средствата кон друга кампања со почитување на следната процедура: 1. Со оглед на тоа што во повеќето случаи Платформата не располага со податоци за донаторите, во разумен рок откако ќе се дознае за некоја од горенаведените околности, дознаената информација се објавува како вест во соодветната кампања; 2. Платформата чека во период од 5 (пет) дена, сметано од датумот на објавување на информацијата, за контакт од страна на Донатор за враќање на неговата донација; 3. Во случај да не бидат примени пораки од Донатори во наведениот период од 5 дена, паричниот износ се пренасочува кон кампања избрана од Платформата или кон Фондот. Платформата, во случај на поврат на средства, ги враќа донираните средства на сметките на Донаторите со намалениот надоместок за трансакцијата, согласно со Општите услови на Stripe и PayPal или на други платежни системи.
  • Платформата се обврзува:
  • Да обезбеди поддршка на Корисниците за нејзино користење;
  • Да им помага на Корисниците/Иницијаторите во создавањето на кампањи, преку советување за нивната содржина. Со цел појасна и разбирлива содржина, Платформата може да Ви даде насоки за корекции.
  • Прописно да им ги уплати собраните донации на Корисниците/Иницијаторите на секоја конкретна кампања. Платформата не сноси одговорност ако по извершената уплата од нејзина страна, Корисниците/Иницијаторите покажат некоректност или злоупотреба со средствата.
  • Кога Иницијаторот/Корисникот не ги побара средствата собрани од кампањата која е создадена од него, во рок од 30 дена сметано од добиениот износ, Платформата го задржува правото да ги пренасочи кон кампања по нејзин избор. Пред да ги пренасочи средствата, Платформата ќе го контактира Иницијаторот/Корисникот преку е-пошта (внесена при регистрацијата) за да го покани да ги искористи средствата, а кога нема да добие одговор во рок од 5 дена од моментот за испраќање на е-поштата, Платформата има право да ги пренасочи тие средства.
  • Во случај на смрт на Корисник, Платформата треба да биде известена од соодветниот Иницијатор, а во случаи кога иницијаторот е и корисник - од директни роднини, во рок од 24 часа од овој настан, при што во овие случаи:
    1. Имате право да ги искористите преостанатите средства за да платите неподмирени обврски кон клиниката, да платите трошоци за погреб и превоз на смртни останки. Во случај на смрт средства од сметка за донации не се исплаќаат. (За кампањите во Бугарија)
    2. Иницијаторот или директните роднини на корисникот во случаи кога корисникот е и иницијатор на кампањата, е должен да ги префрли преостанатите средства во рок од 30 дена од смртта, кон други кампањи на платформата. Во случај на желба да се пренасочат средствата кон кампања која не е на Платформата, соодветниот примател треба да креира таква кампања на Платформата за да биде можно да се направи такво пренасочување. Платформата не извршува пренасочување на средства кон кампањи лоцирани надвор од страницата на Платформата.
    3. Во случај ако платформата не била известена во 24-часовниот рок по смртта на корисникот и дознала за настанот од друг извор, тогаш платформата го задржува своето право да ги насочи средствата по сопствена проценка кон други кампањи или кон Фонд, без да ги бара Иницијаторот или блиските.

5. Права и обврски на Донаторите

  • За секоја донација направена во Платформата, Донаторот добива потврда за плаќањето на наведената од него е-мејл адреса, како и можност да побара Сертификат за направената донација. Платформата врши автоматско валидирање дали мејл адресата која е внесена со донацијата, е постоечка и реална. Оваа проверка зависи од серверот на мејл услугата што го користите. Платформата не сноси одговорност ако и биде предадена информација дека овој е-мејл не постои односно ако не примите потврда за плаќање. Имате право да ја побарате од нас преку контакт страницата.
  • Донорите имаат право да направат донација официјално или анонимно. Во случај на официјална донација, во полето „Донатори“ во соодветната кампања, ќе бидат наведени неговите име и презиме, како и текст во случај да донаторот сака да остави таков. Во случај на анонимна донација, во полето „Донатори“ во соодветната кампања ќе се појави текст „Анонимен донатор“.
  • Анонимноста не се применува за Платформата, бидејќи таа (Платформата) секогаш треба да може да го утврди потеклото на секоја донација. Во случај на контрола од страна на државни институции, Платформата ќе треба да може да обезбеди пристап до листа на донаторите за соодветна кампања. Анонимноста е гарантирана во сите останати случаи. 
  • Донаторите се согласни дека во случај ако не се оствари одредена кампања, заради оправдани причини, (на пример смрт), средствата што се собрани за истата ќе бидат распределени низ други кампањи во Платформата, наведени од Иницијаторот/Корисникот, или ако постои објективна неможност за тоа (кампања без Иницијатор, само со Корисник, и во случај на смрт на самиот Корисник) – кон кампања според проценката на Плаформата. Донираните износи во овие случаи не се враќаат на Донаторите.
  • Донаторите се согласни, дека во случај ако Иницијатор/Корисник не ги побара средствата, собрани за креирана од него кампања, или во случај на смрт на Корисник, Платформата го задржува своето право да ги пренасочи кон кампања по нејзин избор. Пред да ги пренасочи средствата, Платформата ќе го контактира Иницијаторот/Корисникот преку е-пошта (внесена при регистрацијата) за да го покани да ги искористи средствата, а кога нема да добие одговор во рок од 5 дена од моментот за испраќање на е-поштата, Платформата има право да ги пренасочи тие средства тогаш кога се работи за примен износ, а кога се работи за смрт, согласно наведеното во претходното подглавје од овие Општи услови.
  • За секоја донација во одредена кампања, Донаторот може да побара враќање на донацијата најкасно до 30 календарски денови, сметано од моментот на префрлувањето на средствата. Последното правило не се применува во случаите изречно опишани во овие Општи услови, вклучително и кога сумата е префрлена кон друга кампања различна од онаа за која е наменета. 
    Правилото не важи и во случаите кога исплатата на донацијата и барањето за враќање или за каква било корекција на донацијата се во две различни календарски години. Исто така, донацијата е неповратна во случај кога целиот собран износ за кампањата е платен.

6. Управување со кампањи

  • Креирањето кампањи на Платформата е потполно бесплатно за Иницијаторите/Корисниците.
  • За да креирате кампања, треба да се регистрирате на Платформата.
  • Регистрацијата е можна само по запознавање овие Општи одредби и услови и придржување кон истите. Корисникот кој не се согласува со овие Општи услови, може да се откаже од процесот на регистрација, соодветно нема да може да ја користи Платформата како Иницијатор/Корисник. Со регистрацијата, Корисниците потврдуваат дека се запознаени со овие Општи услови, ги прифаќаат и се согласуваат да се придржуваат до нив.
  • За да започнете кампања, Платформата бара од вас да поставите целосни информации за случајот и за корисникот на донациите. Овие информации мора да бидат целосни, точни, без заблуда и недвосмислени. Доколку Платформата бара дополнителни документи, вие сте должни да ги доставите за да ја потврдите кампањата и да се избегне злоупотреба. Корисникот/Иницијаторот е единствено одговорен за дадените информации и документи. Кампањата мора да биде јасна - треба да бидат опишани сите потребни придружни документи. Мора да се именува точната целна сума, која по можност да се докаже со соодветен документ - понуда или нешто слично, во зависност од случајот. Доколку не е можно да се докаже целната сума со документ (на пример, во случај на етапни или променливи лекувања, како што се онколошките заболувања), тогаш Иницијаторот/Корисникот е должен да даде објаснување за тоа. Официјален начин на комуникација помеѓу Тимот на Платформата и Иницијаторот/Корисникот е адресата на е-пошта внесена при регистрацијата.
  • Секоја креирана кампања ќе биде разгледана од тимот на Платформата и ако е потребно, ќе бидат побарани дополнителни документи, текст или друг вид појаснување пред да биде објавена.
  • Како Иницијатор/Корисник, Вие сте должни навремено да ги известите Платформата и Донаторите за новонастанати околности кои се поврзани со кампањата што ја имате креирано, преку секција „Вести“ во Администраторскиот панел.
  • Во однос на започната кампања, Вие ќе имате право да додавате информација или да ја менувате, кога во неа има технички грешки, или по Ваша проценка, при што некои додавања прво се прегледуваат од Платформата. Новата воведена или корегирана информација треба да е целосна, точна, без заблуда и недвосмислена. Доколку Платформата бара дополнителни документи, вие сте должни да ги доставите за да ја потврдите кампањата и да се избегне злоупотреба. Корисникот/Иницијаторот е единствено одговорен за дадените информации и документи.

7. Одговорност

  • Сите донации се депонираат на банкарската сметка на Фондацијата. Таа, од своја страна, има обврска да ги исплати соодветните износи до кампањите на Корисниците/Иницијаторите, откако ќе бидат одбивањени банкарските и трансакциските провизии.


8. Плаќање и такси

  • Платформата ги користи следните начини на плаќање: дебитни/кредитни картички; PayPal; GooglePay; ApplePay, Revolut или преку IBAN. 
  • Платформата, преку донациите направени со дебитни/кредитни картички; PayPal; GooglePay; ApplePay; Revolut, не задржува во нејзина корист никакви задолжителни такси или задолжителен процент од донациите добиени преку системот. Секој од донаторите проценува дали и што да остави во корист на Платформата. Овој акт не е задолжителен и секој Донатор може да напише 0% (нула проценти) од донираните средства. Во овој случај, донираните средства ќе бидат пресметани и целосно исплатени на Корисникот. Единствените такси што се плаќаат од донираните на Корисникот средства, се таксите за Stripe (виртуелниот POS терминал). Тие се според условите на платформата Stripe, а за плаќања со Paypal надоместоците се според условите за користење на PayPal  и Алианц Банка.
  • Во случај Донаторите да сакаат да остават паричен износ за Платформата, тој износ може да биде процент од донацијата направена за кампањата или конкретна вредност, наведена од Донаторот со помош на слајдерот во POS-терминалот или од копчето „Внесете точен износ“.
  • Донации за кои налогот е направен надвор од автоматските системи на платформата (дебитни/кредитни картички; PayPal; GooglePay; ApplePay, Revolut) - на IBAN на платформата, се задржува провизија од 5% од донациите примени на платформата.
  • Иницијаторите/корисниците можат да го повлекуваат собраниот износ од нивната кампања на повеќе пати, а за таа цел го наведуваат саканиот од нив износ со детално појаснување и со додаден документ (на пр. фактура) со кој се докажува за што ќе биде потрошен износот. Платформата го задржува своето право да ги потврди, одбие или делумно да ги одобри трошоците. 
  • Во случај ако целта на кампањата не биде постигната или ако собраните средства го надминат претходно наведениот таргет износ, собраните средства ќе бидат распределени во наведени од Иницијаторот/Корисникот кампањи, кои се дел од платформата.
  • Во случај на исплата на собран износ од кампања, надоместокот за трансакцијата е на трошок на Иницијаторот/Корисникот и се одзема од општиот износ за кампањата.
  • За донации во вредност над 30 000 лева, Платформата бара дополнителни документи согласно нејзините Внатрешни правила според Законот за спречување перење пари. 
  • Исплатата на собраните во Платформата финансиски средства се врши во рок од 72 часа откако ќе биде испратено барање преку Администраторскиот панел и истото може да се изврши на неколку начини:

За кампањи од категоријата „Лекување, медицина и рехабилитација“:

  • на сметката за донации на Корисникот (начинот е достапен само за кампањи во Бугарија) – откако ќе биде доставен договор за отворање донаторска сметка. Сметката, имињата на сопственикот на сметката, потписите и печатите на документот мора да бидат видливи. Рокот на договорот не треба да е истечен. Доколку е истечен, додадете и Анекс издаден од банката.;
  • на профактура до трето лице, каде што јасно е опишано што се плаќа. Вие се согласувате дека може да се платат следните видови трошоци: лекување и рехабилитација, прегледи и лекови, превоз од местото на живеење до градот каде се спроведува лекувањето - автобуски или авионски карти за корисникот и еден придружник или брза помош, хотел за корисникот и за еден придружник, преведувачки услуги.
  • Услови за исплата на трошоци на лична сметка:
    - овие трошоци не можело да се платат со претходно издадена профактура до трето лице, (Вашето лекување и испитувањата во болницата се трошок што може да се плати со профактура!) а вие веќе сте ги платиле.
    - овие трошоци се генерирани откако веќе сте имале одобрена кампања на платформата.Трошоци, направени пред да започне кампањата не подлежат на плаќање.
    - трошоците кои не можеле да бидат претходно платени со профактура се: хотел или сместување, патни трошоци за превоз од локацијата на корисникот до градот каде што ќе се спроведува лекувањето (автобус, авионски билет или брза помош), визи, лекови, протези, ортози, болничка опрема.
    - Трошоци на лична сметка се плаќаат само за Корисникот и за еден придружник.
    - Трошоци на лична сметка се надоместуваат само и единствено на сметката на Иницијаторот на кампањата или на Корисникот.
  • За кампањи од сите останати категории – на сметка на иницијаторот на кампањата

9. Општи одредби

  • Со користење на Платформата, Корисниците потврдуваат дека се запознаени и се согласуваат со овие Општи услови и со нивната содржина во целост. Регистрацијата во Платформата е невозможна без Корисниците да се запознаат и да ги почитуваат овие Општи услови.
  • Платформата го задржува правото да ги променува овие Општи услови во секое време и неограничен број пати, а за истото Корисниците се согласуваат. Во случај на несогласност со изменетите општи услови, корисниците имаат рок од 15 дена од објавувањето на актуелните Општи услови на платформата, за да ги искористат условите од претходната верзија. За актуелни се сметаат последно објавените услови.
  • Обврска на Корисниците е да се информираат и да следат за промени во Општите услови. Во случај на несогласување со новите Општи услови, Корисниците можат во секое време да престанат со користење на платформата.
  • Ништовноста на која било точка од овие Општи услови не доведува до ништовност на друга точка или на Општите услови во целина.
  • За сите прашања и случаи кои не се споменати во овие Општи услови, треба да се примени важечката легислатива.
  • Во случај на спорови за кои е невозможно да се постигне консензус меѓу засегнатите страни во духот на добриот тон, ќе се примени релевантната важечка легислатива и спорот ќе се решава пред надлежниот суд.
  • Платформата ќе има право на компензација за сите штети, трошоци и претензии на Корисници, Приматели или на трети лица, кои се последица на прекршување на овие Општи услови, непрописна употреба на Платформата и/или злоупотреба со Кампањи и несоодветно трошење на донираните средства, вклучувајќи, но не ограничувајќи се до компензација за судски трошоци, адвокатски хонорари и други трошоци остварени во врска со штитење на правата и законските интереси како резултат на незаконски или спротивни на овие Општи услови дејства од Корисници.

10. Општи услови за "Фонд за лекување деца во странство"

  • Фондот претставува автоматска финансиска донација на месечна основа, направена со картичка или преку paypal. Со Вашата претплата на Фондот, вие и дозволувате на платформата да ја повлекува донираната од вас сума.
  • Во текот на донирањето, вие избирате сума за Фондот и сума за платформата. Провизијата за трансакција преку stripe или paypal се одзема од износот за Фондот.
  • На е-поштата што ја имате внесено во текот на донацијата, ја добивате вашата лозинка за влез во платформата. Вашето корисничко име е е-поштата што ја имате внесено. Преку вашиот кориснички профил, вие можете да управувате со вашата сметка, можете да ја променувате или прекинувате во секое време.
  • На е-поштата што сте ја внеле при претплатата, еднаш месечно, на првиот ден од месецот, ќе добивате извештај за кои кампањи се префрлени средствата од фондот. Платформата врши автоматска валидација за тоа дали е-поштата внесена за време на донацијата е постоечка и реална. Оваа проверка зависи од серверот на услугата за е-пошта што ја користите. Платформата не е одговорна доколку е информирана дека оваа е-пошта не постои и ако соодветно не ја добиете вашата потврда. Имате право да го побарате тоа од нас на нашата официјална е-пошта.
  • Правилата за исплата на средствата од фондот се: корисникот со медицинска документација да го докажал онколошкото заболување или потребата од трансплантација на орган и да има започната кампања на платформата, за да биде поддржан. Лицето не треба да има навршено 18 години во моментот на исплаќање на средствата од Фондот за неговата кампања. Средствата се исплаќаат во редоследот на аплицирањето.
  • Средствата од фондот можат да се користат само за лекување и за пропратни на истото трошоци.

Датум на последна промена: 03.04.2024