6-ти февруари 2026

Успешна трансплантација ѝ даде нова шанса за живот на Соња

Денес споделуваме прекрасна вест за Соња – трансплантацијата на бубрег помина успешно. По години борба со тешко генетско заболување и долготрајна дијализа, операцијата ѝ донесе нова шанса за живот и надеж за подобра иднина.

Кампањата „Од срце кон подобар живот за Соња“, реализирана преку PavelAndreev.ORG, имаше цел да ги покрие дополнителните трошоци поврзани со лекувањето – патување, престој, храна и секојдневни потреби за време на нејзиното закрепнување во странство.

Благодарение на поддршката од 50 донатори, беа собрани 2 060,64 евра, кои помогнаа овој тежок период да помине со повеќе спокој и сигурност.

Нејзиното семејство и целиот тим на PavelAndreev.ORG изразуваат искрена благодарност до сите кои подадоа рака и ја направија оваа промена возможна.