14-ти јануари 2026

Добра вест – Татјана е здрава

Приказната на Татјана Александрова ги трогна срцата на многу луѓе и обедини добри срца околу една заедничка кауза – животот. Жена, мајка и сопруга која се соочи со тешката дијагноза сарком на меките ткива и помина низ исклучително тежок пат исполнет со болка, неизвесност и надеж.

Благодарение на 179 донатори преку платформата PavelAndreev.ORG, беа собрани 12.410 евра, неопходни за лекувањето на Татјана. Секоја поддршка, секое споделување и секој добар збор ѝ дадоа сила да продолжи напред.

Денес можеме да ја споделиме најважната и најрадосната вест – по извршеното ЈМР испитување, лекарите потврдија дека Татјана е целосно чиста и нема ни трага од болеста. Ова е резултат на навремено лекување, силна волја и огромната поддршка од сите кои веруваа во неа.

Со длабока благодарност, Татјана, нејзиното семејство и PavelAndreev.ORG им се заблагодаруваат на сите донатори кои ги поддржаа во најтешките моменти. Оваа приказна е уште еден доказ дека кога луѓето се обединуваат со добрина и сочувство, се случуваат чуда.

Ви благодариме што бевте дел од оваа победа над болеста.