9-ти февруари 2026

Благодарение на добрите срца, операцијата на Лилјана беше успешна

Приказната за малата Лилјана ги допре срцата на стотици луѓе и обедини добри срца околу една заедничка кауза – детството и иднината на едно храбро дете.

Низ годините, таа помина низ неколку тешки операции – на нозете и раката, а последната, исклучително важна операција, беше шансата што можеше да ѝ го промени животот.

Денес можеме да ја споделиме најважната добра вест – операцијата на Лилјана помина успешно!

Преку платформата PavelAndreev.ORG, над 203 донатори се обединија и собраа 5 079,26 евра, со што оваа операција стана возможна.

Семејството на Лилјана и целиот тим на PavelAndreev.ORG изразуваат искрена благодарност до сите кои подадоа рака и помогнаа ова чудо да се случи.