6-ти февруари 2026

Потребната сума за лекувањето на Емо е собрана

Емо е 13-годишно момче со соништа, љубов кон учењето и страст кон јавањето, кое наместо во училишниот двор, деновите ги поминува на хемодијализа, борејќи се со ретко генетско заболување што ги зафаќа црниот дроб и бубрезите.

Пред него стои исклучително тежок пат – две последователни трансплантации: прво на црн дроб, а потоа и на бубрег. Неговата мајка, Силвија, ја донесе најхрабрата одлука што еден родител може да ја донесе – да стане донор на двата органа, за да му даде шанса на својот син да живее.

Во момент кога стравот и неизвесноста беа најсилни, илјадници луѓе подадоа рака.
Преку платформата PavelAndreev.ORG, над 2 785 донатори се обединија и собраа повеќе од 113 078 евра. Кампањата доби и дополнителна поддршка од Фондот за лекување на деца во странство, кој се вклучи со 7 000 евра.

Денес можеме да споделиме важна добра вест – потребната сума е целосно собрана. Семејството веќе ја подготвува документацијата за трансплантациите и очекува датум за предоперативните испитувања од болницата. Ова е огромен чекор напред во борбата за животот на Емо.

Тимот на PavelAndreev.ORG и семејството на Емо изразуваат искрена благодарност до сите донатори.

Разгледајте го и поддржете го нашиот Фонд за лекување на деца во странство.