25-ти јуни 2025

Среќен крај на борбата: Малиот Даниел успешно помина трансплантација на бубрег

Има битки кои ниту едно дете не треба да ги води, и искушенија кои ниту еден родител не ги заслужува. Таква е приказната на малиот Даниел, роден со тешка бубречна инсуфициенција. Уште од првиот здив, Дани ја започна борбата за живот.

Првите три месеци од својот живот ги поминува во болнички соби, од кои еден месец на интензивна нега. Му беше неопходна перитонеална дијализа по шест пати дневно и неколку операции пред да наполни две години. Но, тоа не беше доволно. Единствената надеж за Даниел беше трансплантација на бубрег.

Благодарение на поддршката од 1066 донатори и собраната сума од 27.985,91 EUR, ова стана возможно. На 17 јуни 2025 година, Даниел успешно ја помина транспалнтацијата на бубрег и во моментот тој и неговиот татко се опоравуваат одлично.

Од името на семејството на Даниел и целиот тим на PavelAndreev.ORG, од срце им благодариме на сите кои поверуваа и помогнаа оваа трансплантација да стане реалност. Вие ја вративте надежта на едно семејство и му подаривте на малиот Дани шанса за нормален и исполнет живот.