27-ми јуни 2025

Филип е поблиску до победата: Првата очна операција успешно помина

Постојат приказни кои длабоко ги допираат нашите срца. Таква е приказната на 16-годишниот Филип – момче чија борба за видот започна уште од четиригодишна возраст. Роден здрав и полн со живот, Филип и неговото семејство постепено се соочуваа со суровата реалност на континуирано влошување на видот, и покрај сите напори и третмани.

По неуспешната операција пред четири години, видот на Филип достигна само 25%. Семејството се соочи со ризикот целосно да го изгуби видот. Решението беше нова операција – сложена, скапа и итна.

Благодарение на неверојатната поддршка од над 426 донатори кои донираа повеќе од 7782.64 евра, Филип доби шанса за нов почеток. Првата операција веќе е успешно завршена, а неговото закрепнување оди според планот.

Од името на семејството на Филип и целиот тим на PavelAndreev.ORG, изразуваме огромна благодарност кон сите кои подадоа рака и дадоа шанса за живот со вид на младото момче. Вашата поддршка покажа дека чудата се можни и дека заедно можеме да направиме сe.

Претстои втора, подеднакво важна операција. Кампањата продолжува, а секоја донација останува од животна важност за Филип и неговото семејство.

🔗 Повеќе за кампањата на Филип