10-ти декември 2025

Илјадници срца се обединија за Бојан – надежта се врати!

Приказната на Бојан ги допре срцата на илјадници луѓе. Младо момче кое секојдневно се соочува со тешка двојна дијагноза – лајмска болест и мултиплекс склероза. Болести што му го менуваат животот, но не успеваат да ја скршат неговата волја да се бори, да продолжи напред и да бара шанса за закрепнување.

Во момент кога надежта е поважна од кога било, илјадници добри луѓе се обединија зад неговата кауза. Преку PavelAndreev.ORG повеќе од 1 760 донатори собраа над 60 061 евра за Бојан да може да го продолжи своето спасоносно лекување.

Оваа поддршка е повеќе од финансиска помош. Секој донатор, секое споделување и секој добар збор внесе надеж во едно семејство што се бори за иднината на своето дете.

Семејството на Бојан и целиот тим на PavelAndreev.ORG ја изразуваат својата длабока благодарност до сите што помогнаа.

Заедно покажавме дека добрината има моќ – моќ да лечи, да дава сила и да подарува шанса.