5-ти декември 2025

Цало е во ремисија – благодарение на вас надеждата се врати

Цало е млад маж со големо срце – добар, посветен и секогаш подготвен да им помогне на другите. Пред само една година ја оствари својата најголема желба – се ожени за жената која ја љуби. Заедно сонуваа да изградат дом, да имаат деца и да остарат држејќи се за рака.

Но ненадејно, тешка болест ја прекина оваа светла слика. Цало ја започна најтешката борба – борбата за сопствениот живот против ракот.

Преку платформата PavelAndreev.ORG, повеќе од 5 185 донатори се обединија и собраа 153 038,64 евра – сумата потребна за неговото лекување.

Денес со радост ја споделуваме прекрасната вест дека Цало е во ремисија.

Терапијата дава резултат и надежта се врати. Но борбата не е целосно завршена – претстојат важни контролни прегледи, испитувања и постојано следење на состојбата. Затоа поддршката останува непроценлива. Да продолжиме сите заедно да бидеме потпората која му е потребна за со сигурност да чекори кон целосно закрепнување.

🔗 Продолжете да го поддржувате – Да подадеме рака на Цало