Павел Андреев

Павел Андреев е социјален претприемач, филантроп и основач (СЕО) на глобалната платформа за собирање средства PavelAndreev.ORG.

• Објавено     2026-05-22
• Ажурирано     2026-05-23
• 82

Роси го удри ѕвоното по тешката битка со ракот

Роси сонуваше за еден сосема обичен живот да биде покрај своите деца, да ги гледа како растат и да продолжи да им биде потпора. Наместо тоа, пред неколку месеци ја слушна дијагнозата што и го преврте животот за само неколку дена. По еден случаен преглед, лекарите открија тумор, а потоа следуваа операција, хемотерапии, страв и безброј прашања на кои никој не успеваше да ѝ одговори на човечки начин.

Тогаш Роси донесе одлука да го продолжи лекувањето во странство, каде што за првпат почувствува не само медицинска грижа, туку и внимание, разбирање и надеж. Но лекувањето се покажа како прескапо и таа стигна до момент кога мораше да побара помош од целосно непознати луѓе.

Роси собра храброст да ја покаже својата ранливост пред илјадници непознати луѓе и токму тоа се покажа како една од најдобрите одлуки во нејзиниот живот.

Илјадници луѓе застанаа покрај неа преку PavelAndreev.ORG. Луѓе кои донираа, ја споделуваа нејзината приказна и и даваа сила да продолжи во најтешките денови од лекувањето. Последните две хемотерапии беа исклучително тешки, но Роси издржа и ниту за миг не се откажа.

Денес нејзиното семејство ја споделува веста што сите ја чекаа со надеж. По направените испитувања во мај, резултатите покажаа огромен напредок во борбата со болеста. „Ќе го скршам тоа ѕвоно“, велела Роси за време на лекувањето. А денес нејзините најблиски со радост велат: „Роси го удри ѕвоното“.

Борбата сѐ уште не е завршена. Пред неа следува одржувачка терапија во наредната година и пол, како и нови контролни испитувања. Но денес Роси има надеж, мир и шанса повторно да гледа кон иднината нешто што пред само неколку месеци и изгледаше речиси недостижно.

Нејзиното семејство му се заблагодарува на секој човек кој бил дел од овој пат. Затоа што понекогаш една поддршка, едно споделување или една донација буквално можат да му помогнат на човек да остане жив.

Можете и понатаму да ја поддржувате Роси и нејзината кампања.