Досегашните терапии ветуваат успех. Некои метастази се во регресија.

Терапијата во Турција ни дава надеж за лекување и победа на оваа болест. Тие терапии се за живот на Моника.
Ова не е нешто што може да се реши со оперативен зафат – не е возможно, затоа што ракот е агресивен и се прошири во целото тело за само неколку месеци.Постои ризик на коскената структура, метастази на коски, надбубрежни жлезди и на бели дробови, а примарниот е во десната града. Докторскиот тим во Турција никако не ја зема во предвид операцијата, затоа што е преризично.

Мора со терапии кои се силни и исцрпувачки. Тешко ги поднесува, но се бори. Има хемотерапии, инекции и таблетарна хемо терапија, 3 пати на ден. Сакам да ја слушнам, да разговараме, но таа само спие – преисцрпена е. Единствено ме радува тоа што има волја да се бори.Одењето во Турција е за прегледи, терапии и консултации. Треба редовно да оди се додека не се успее метастазите да се намалат и контролираат. Моника не смее да излезе надвор, а и не може. Само спие. Ако излезе, мора да биде заштитена – да носи капа, долги ракави и маска на лице. Крвната слика се проверува редовно.

Никој не сака да го гледа ова за својт најблизок. Навистина ни е потребна помош. Се бориме со таа болест и секој ден е борба да остане позитивна, да издржи прејака терапија. Таа е позитивна иако има моменти кога е неиздржливо, но за мене и мајка ми најголема надеж и светлина во оваа агонија е што Моника ни ветува дека ќе издржи и ќе победи.Сакам пак да излеземе заедно, да се смееме, да се врати таа моја сестра што беше толку силна и работеше.Сега мора да јаде само био производи, со секојдневен режим на исхрана и сокови. Таа се бори, и ние со неа, но за лек и спас ни се потребни средства што ги немаме.

Досегашните терапии ветуваат успех. Некои метастази се во регресија, но мора да се продолжи – не смее да остане без терапија.Исто така, добива лекови за да се предизвика менопауза, со цел да се уништат хормоните од кои се храни ракот. На сите маки и тоа и е тешко – се поти, бара воздух. Мајка ми спие со неа. Нас многу не плаши тоа гушење, затоа што има метастаза на бели дробови.