Помош за семејството Османоски

Почитувани хумани луѓе,
Јас сум Наталија Милчевска и организираме кампањата заедно со мојата мајка Лидија Каранфилоска за семејство Османоски.

Ве молиме да одвоите момент и да го прочитате овој апел за помош на социјално загрозено семејство Османоски кое брои 9 члена и живее во исклучително тешки услови.

Само едно лице од семејството прима социјална помош од 7.000 денари месечно, од кои половина одат за кирија. За жал, тие живеат под кирија во мизерни услови – без струја и без вода.

Три лица се работоспособни, но не можат да најдат постојана работа и преживуваат само со сезонска работа како аргати на тутун. Двајца членови се со сериозни здравствени проблеми.

Семејната состојба е дополнително отежната:
– Малолетна ќерка (17 години) е мајка на бебе од 1 година
– Со нив живее и друга ќерка која го напуштила сопругот поради семејно насилство
– Таа е невработена и се грижи за две деца – на возраст од 3 и 7 години

Ова семејство моментално нема основни услови за живот и се соочува со секојдневна борба за опстанок.
Целта на оваа акција е да се соберат средства за градежни материјали и работна рака и да се изгради мала барака – скромен, но безбеден дом каде што ќе можат да живеат достоинствено и во подобри услови.

Секоја помош е значајна – финансиска донација, градежен материјал или едноставно споделување на овој апел. Вашата поддршка може да значи нов почеток за ова семејство.

Да покажеме хуманост и солидарност. ❤️
Ви благодариме од срце!