Помош за Даниела – Да и ја вратиме насмевката.

Моето име е Даниела Сребреновска. Јас сум мајка на три прекрасни деца, кои ми се се во животот. Секој ден се трудам да бидам нивната сила, поддршка и сигурност.По еден тежок период низ кој поминав, денес сум самохрана мајка. Со многу труд и љубов се обидувам да им овозможам на моите деца спокоен и среќен дом. Тие се мојата најголема радост и мотивација да продолжам напред.

Во моментов се соочувам со предизвик кој сама не можам да го надминам. Потребна ми е стоматолошка интервенција за да ги поправам забите и да си ја вратам насмевката. За мене тоа не е само здравје – тоа е можност повторно со самодоверба да излегувам меѓу луѓе, да барам работа и да имам сила да бидам потпора за моето семејство.

Бидејќи не сум во можност самостојно да го обезбедам лекувањето, се обраќам со отворено срце и искрена молба до сите добри луѓе кои можат да помогнат.

Вашата донација – без разлика колку е голема – за мене значи надеж, поддршка и потсетување дека не сум сама.

Ви благодарам од се срце што сте дел од мојата приказна и што ми помагате да продолжам напред со насмевка и со сила да ги одгледам моите деца.