Помогнете и на мојата Анета повторно да победи

Колку пати може едно семејство да го слушне зборот РАК и сепак да остане на нозе? 💔

Мојата сопруга Анета, на само 46 години, по трет пат се бори со рак.Првпат во 2012 година – рак на левата дојка. Се избори.
Вторпат во 2014 – болеста се врати на десната страна. Повторно победи.Верувавме дека најлошото е зад нас.

Но денес се соочуваме со најтешката битка досега – карцином на хранопроводот.

Анета е борец. Таа не знае што значи да се предадеш. И покрај се, таа остана насмевката во нашиот дом, силата на нашето семејство. До неодамна работеше, се грижеше за сите нас, секогаш ги ставаше другите пред себе.

Во декември 2025 започна со хемотерапија. Благодарение на Бог и на лекарите, срцето и органите и се во добра состојба и терапијата ја поднесува храбро. Но вистинската шанса за целосно излекување е операција кај врвен специјалист во Германија – хирург со огромно искуство во вакви случаи.Тоа е нејзината најголема надеж.Нашата најголема надеж.

Како сопруг, најтешко ми е да гледам како се бори, а да знам дека без финансиска помош можеби нема да стигнеме до таа операција. Сумата е преголема за нас. Колку и да се трудиме, сами не можеме.

Затоа ве молам – помогнете ни. 🙏
За Анета.За една мајка која сака да ја види ќерка си како матурира, како студира, како создава свој живот.
За една жена која двапати победи – и заслужува да победи и третпат.

Секој денар, секое споделување, секоја молитва ни значи повеќе отколку што можете да замислите.Од срце ви благодарам што ќе застанете покрај нас во оваа најтешка битка. 💙