Поддршка за еден авторски сон

Денес решив да побарам помош за да претворам еден мој сон во реалност. Имам 24 години, напишав пет книги и сега ве молам за помош за да успеам да ги издадам.Јас сум Вероника Саздовска Добревска и сум од с. Горобинци, Македонија. Пишувам со години. Пишувам за работите што сум ги доживеала, за љубовта, разочарувањата, надежта, болката и за оние чувства кои понекогаш е полесно да ги напишеш отколку да ги кажеш на глас.

Така се родија моите пет книги:
„Последната Карта“
„Кралицата без лице“
„Кога се израдував на гревот“
„Верувајќи во тишината“
„Наше засекогаш“

Тие се напишани. Готови се. Но се уште се само ракописи.

Сакам да дојде денот кога ќе можам да ги држам во рацете како вистински книги. Сакам луѓето да можат да ги прочитаат. Можеби некој ќе се пронајде себеси во некој мој ред. Можеби моите зборови ќе му помогнат на некој што поминува низ нешто низ кое сум поминала и јас.

Но издавањето на пет книги е финансиски трошок со кој не можам да се справам сама. Потребни се средства за печатење, лекторирање и рецензија, како и за книгите да можат да бидат претставени пред читателите.Не барам еден човек да ми го оствари сонот. Го молам секој што верува во младите автори и во силата на книгите да помогне колку што може.

Дури и мала донација ќе ме доближи до моментот кога овие пет ракописи повеќе нема да стојат во мојот компјутер, туку ќе станат вистински книги.Јас ги напишав приказните. Сега ми треба малку помош за да им дадам живот.

Ви благодарам на сите што ќе ме поддржат или едноставно ќе ја споделат мојата приказна.
Со благодарност,
Вероника