За Симона, за живот без болка – помогнете денес

💔 Јас сум мајка. Мајка на мојата Симона – моето прекрасно, нежно, борбено девојче.

Нашата приказна трае веќе предолго, а болката не престанува. Додека чекаме да се соберат средствата за лекување во Мексико, ние не можеме да одиме на третманите што и се толку неопходни. И тоа ја влошува состојбата на моето дете.

Симона започна да ја криви едната нога. Тоа е знак дека времето не е на наша страна и дека секој ден без терапија ја оддалечува од можноста еден ден да оди без болка. Затоа мораме секојдневно да правиме интензивни вежби, да се бориме со болката, и паралелно да се обидуваме да собереме средства за Мексико.

Знам дека таму постои надеж – третманот во NeuroCytonix е нашата најголема шанса. Терапијата што може да и го промени животот и да и овозможи нормално детство. Но додека чекаме, состојбата се влошува.

🙏 Затоа, со очи полни солзи и со срце полно љубов, повторно ви се обраќам: помогнете ни.
Помогнете и на Симона да не изгуби време, да не изгуби надеж, да не изгуби шанса.

⏳ Секој ден е важен. Секој ваш денар, секое споделување, секој збор на поддршка е чекор поблиску до спас.Јас сум мајка и нема да се откажам. Но без вас, без вашата добрина и хуманост – оваа борба ја губиме.

✨ Да останеме заедно со Симона. Да и дадеме шанса да застане исправена, да игра, да се насмее без болка.Ви благодарам од срце што сте со нас. 🙏