Новиот дом на семејство Наковски стана пепел!

За само неколку часа шумскиот пожар ни проголта се домот кој штотуку целосно го реновиравме стана пепел.На 03.07.2026 година, нашиот живот засекогаш се промени.

 Големиот пожар што избувна во шумите околу село Бучиште стигна до нас и целосно ја пеплоса нашата семејна куќа. Болката е неопислива бидејќи внатре буквално се беше ново. Куќата беше 80% целосно средена откако ја реновиравме во 2024 година со многу труд, одрекувања и надежи. Сега, местото каде што ги создававме најубавите спомени и ја чувствувавме сигурноста на семејното огниште, е само црно згариште. 

Пред нас е долг и мачен пат само за да ја расчистиме штетата, а камоли повторно да изградиме дом од нула. Финансиски сме исцрпени и самите не можеме да ја обезбедиме потребната сума за повторно да имаме каде да живееме.
Затоа ви се обраќам со искрена молба и солзи во очите. Ситуацијата е крајно итна! Доколку сте во можност, ве молам помогнете ни со донација.

Секој износ, без разлика колку е мал, ќе не доближи чекор поблиску до нов покрив над главата. Ако не сте во можност да донирате, ве молам споделете ја оваа приказна, и тоа е огромна помош за нас. Вашата добрина и човечност ни се единствената надеж дека и по најголемата трагедија, можеме повторно да изградиме дом. Од срце ви благодариме!