Надеж за мојот Бојан

Да му обезбедиме достоен живот дома додека чека ново срце.

Јас сум мајката на Бојан дете кое целиот свој живот им помагаше на сите околу себе. Денес, за жал, тој е оној на кого му е потребна помош. Бојан има само 24 години и е од Велес. Секој ден се бори за својот живот, целосно зависен од специјална пумпа која му помага на неговото ослабено срце да работи, додека се наоѓа на официјалната листа за чекање донор на срце.

За да бидам постојано покрај него и да се грижам за него, бев принудена да ја напуштам работата. Денес нашето семејство живее само од платата на мојот сопруг, кој работиза да може да ги обезбеди најосновните потреби за нашиот син. Но, и покрај сите наши напори, трошоците стануваат се поголеми и веќе не можеме сами да се справиме со нив.

Нашата најголема борба во овој момент не е само чекањето на ново срце, туку и обезбедувањето на достоинствен и безбеден живот за Бојан додека го чека тој ден. Секој месец ни се потребни околу 45.000 денари за неговите основни животни потреби:

Живееме под кирија, а сметките за струја и вода се значително повисоки поради постојаното користење на медицинската опрема во домот.Бојан има потреба од посебна и внимателно контролирана исхрана за да го одржи своето здравје и сила.
Секој месец сме принудени неколку пати да патуваме од Велес до Скопје за редовни контроли и прегледи, што претставува дополнителен голем финансиски товар за нашето семејство.

Ве молам од се срце, помогнете му на мојот Бојан. Секоја донација, без разлика на износот, за нас значи огромна поддршка и надеж. Ако не сте во можност да донирате, ве молам споделете ја неговата приказна.
Во име на моето семејство и во име на мојот син, ви благодарам од срце за секоја подадена рака, за секој збор на поддршка и за секоја молитва.

Со почит и неизмерна благодарност,