Моника има шанса – Ајде да ја спасиме

Ние повеќе не можеме да помогнеме…
Ова се зборовите што ни ги кажаа лекарите во Македонија за мојата сестра Моника. Зборови што ти ја мачат душата и ти ја гасат секоја искра на надеж. Да ги чуеш за некој што го сакаш повеќе од себе – е најтешкиот момент во животот.

Моника има само 43 години. Пред помалку од две години беше оперирана од тумор на мозокот, со верба дека тоа ќе и ја врати силата и животот. Имавме надеж дека по операцијата ќе биде добро… но откако започна со хемотерапијата, состојбата нагло се влоши. Од тогаш, наместо да одиме кон подобро, чекориме само наназад. Сега сме на крајот од последната терапија – а лекарите тука ни рекоа: Земете ја дома, ние повеќе не можеме да помогнеме.

Туморот е голем и агресивен, притискајќи ги деловите од мозокот што контролираат движење и говор. Денес, десната рака и нога и се вкочанети, едвај чекори, а зборовите и излегуваат тешко и нејасно. Секој ден без соодветна терапија и ја одзема силата, ја оддалечува од можноста повторно да оди, да зборува, да живее.

Но ние нема да се предадеме! Во странство постои шанса за понатамошно лекување – вистински план што може да го забави и сопре напредувањето на болеста. Тоа е нашата единствена надеж. Но цената е огромна и не можеме сами.

⏳ Времето е против нас.
🙏 Ви се обраќам со молба за вашата помош на мојата сестра. Секој ваш денар, секое споделување, секој збор на поддршка може да биде токму она што ќе и го спаси животот на Моника.

 Донирајте сега – затоа што утре може да биде предоцна.