Мила се гуши од 72° степени искривување

72° СТЕПЕНИ ИСКРИВУВАЊЕ НА РБЕТОТ! Ако итно не се оперира, искривувањето ќе ги притисне белите дробови... Моето 14-годишно девојче се крие зад широка облека и плаче од срам!

Состојбата на мојата Мила е алармантна. Со искривување од дури 72° степени, нејзиниот рбет брзо се деформира. Бидејќи Мила е во фаза на интензивен раст, докторите предупредуваат дека искривувањето може брзо да напредува уште повеќе и да почне сериозно да и ги притиска белите дробови и внатрешните органи! Ако задоцниме со операцијата, последиците може да бидат трајни и катастрофални за нејзиното здравје. Време за чекање повеќе немаме!

Наместо да си ги живее најубавите детски години покрај своите двајца постари браќа, Мила на 14 години целосно се затвори во себе. Се срами од сопственото тело и носи исклучиво преголема и широка облека само за никој да не и ја забележи грбицата на грбот. Имаше денови кога од срам и страв од туѓи коментари одбиваше дури и на училиште да отиде...

Покрај таа емотивна мака, болката и стана секојдневие. Секој час поминат во училишната клупа и тешкиот ранец за неа се вистинска тортура. Кога ќе си дојде дома, веднаш мора да легне оти нема сила да стои на нозе од болки. Најтешко за една мајка е да го гледа своето дете како се мачи, а да е немоќна сама да му помогне.Единствениот спас за Мила да застане исправена е итна операција во Турција. За тоа ни се потребни 30.000 евра сума што ние како семејство ги немаме и никогаш сами не можеме да ги събереме.

Ве преколнувам со целото мое срце, не вртете ја главата! Подадете ни рака, донирајте колку што можете и споделете ја оваа објава. Помогнете и на мојата Мила итно да ги оперира овие страшни 72 степени, да ги фрли широките алишта и конечно да живее без болки и без срам!