Да остане светлина во Храмот Св. Константин и Елена

Црква „Св. Константин и Елена“ - Суводол
Апел за донација за обнова и фрескоживопис

Почитувани браќа и сестри,
Ве повикуваме да бидете дел од ова свето дело. Секој ваш прилог е чекор кон зачувување на нашето духовно наследство и изградба на иднината.Упатуваме искрена молба и братски апел до сите верници и добронамерни луѓе за доброволна помош и донација за потребите на храмот „Св. Константин и Елена“ во с. Суводол и Кутретино.

Во срцето на демирхисарскиот крај, меѓу селата Суводол и Кутретино, се наоѓа храмот „Св. Константин и Елена“ – духовен сведок на верата, традицијата и заедништвото на многу генерации. Изграден во 1830 година, овој свет храм и денес ги собира верниците во молитва, надеж и духовна утеха.Како заеднички храм на двете села, тој претставува симбол на единство и љубов. Неговата архитектура – впишан крст со купола, со апсида на исток и трем на запад – сведочи за богатото духовно и културно наследство што го носи со себе.

Но времето оставило свои траги. Денес храмот има итна потреба од обнова. Покривот е дотраен и неопходно е негово целосно препокривање, за да се заштити објектот од понатамошно оштетување. Затоа, моменталната цел на оваа кампања е препокривање на храмот, како најважен и неопходен чекор.Нашата визија оди подалеку – храмот да биде украсен со фрескоживопис, со што ќе му се врати неговата вистинска духовна убавина. Фреските се молитва во бои, сведоштво на верата и духовна порака за идните поколенија.

Моменталниот Црковен одбор, избран во 2024 година, посветено работи на обновата и зачувувањето на храмот и е во следниот состав:
Отец Метошко Дончовски – претседател

Христијан Тасески – потпретседател

Мартин Каранфиловски – благајник

Славчо Трајчевски – член

Славче Наумовски – член

Александар Николовски – член

Горче Станковски – член

Со заеднички труд и посветеност, во овој состав веќе се реализирани повеќе значајни активности за унапредување на храмот, но за целосна обнова потребна е поддршка од сите добронамерни луѓе.

Секој прилог, според можностите и добрата волја, претставува значаен придонес и благослов за сите нас.
Апелот е упатен од Црковниот одбор, со благослов на нашиот
Парохиски свештеник. 
Со почит и благодарност за секоја поддршка.

Да го обновиме храмот заедно!
Да оставиме траен белег на верата и љубовта!