Рехабилитацијата започна – а борбата продолжува!

💔Овојпат повторно бев со солзи во очите, утрото кога морав на определен период да ги напуштам моите три дечиња и да се упатам кон рехабилитациониот центар во Ниш. Тешко се разделував од нив, но од друга страна ме храбреше помислата дека после лекувањето и терапијата, ќе им се вратам во исправена состојба и стоечки ќе можам да ги прегрнам. 

Здружението Љубезност организираше превоз и придружба до самиот центар, а со нас беше и мојот постар брат Зоки и мојот драг пријател Игор. Брзо ги поминавме сите почетни прегледи во центарот и веднаш ме ставија во програмата со роботика. Докторите ми влеаа надеж дека за определено време со активен мој ангажман на вежбање може да очекувам многу добри резултати.Во текот на првиот ден во Ниш пристигна и мојот помал брат Игор, кој како неговател-пратител од семејството ќе остане со мене во периодот кој претстои.

Упатувам голема благодарност до моите браќа, пријателот Игор и до здружението „Љубезност“ за целокупниот ангажман и поддршка, како и до сите добри луѓе кои во изминатиов период донираат средства преку Фондацијата Павел Андреев, за да можам да го започнам овој процес на лекување.

🔔АПЕЛИРАМЕ до сите добронамерни луѓе, да продолжат да донираат, за да можеме да ги покриеме трошоци од третманите за првите две седмици од престојот во центарот.