Да ја спасиме Гордана!

Секоја секунда ми е пресудна. Телефонот од болницата во секој момент ќе ѕвони, а јас немам ни денар да си го спасам животот!

Светот ми се сруши кога ми кажаа дека имам карцином истата проклета болест што пред само девет месеци ми го зеде татко ми. Материјалите од мојата тешка операција на дојката се спремни за итно да се испратат во странство за MammaPrint тестот, но јас немам можност да ја соберам потребната сума која се бара од мене. Без овој геномски тест, докторите не можат да знаат дали хемотерапијата воопшто ќе ми помогне. Ако не ги уплатам средствата веднаш, материјалот нема да биде испратен, а моето лекување ќе запре уште пред вистински да започне.

Истата болест ми го одзеде татко ми... Три години деноноќно го негував, се откажав од мојот живот и од себеси само за да го спасам, но на крајот го изгубив. И тогаш немавме пари за вакви скапи испитувања кои можеби ќе му го продолжеа животот. Сега, кога јас се соочувам со истата смртоносна дијагноза, историјата сурово се повторува. Умирам од страв дека ќе ја доживеам истата судбина како него и дека ќе згаснам, само затоа што сум сиромашна и не можам да си го купам лекот.

Во оваа битка сум потполно сама. Мајка ми почина млада, немам сопруг, немам деца. Сама одам по ладните болнички ходници, сама се тресам од страв пред секоја нова врата и сама ја носам целата оваа тежина. Покрај овој итен тест, ме чекаат уште многу трошоци и ПЕТ-скен за кој исто така немам средства, но без MammaPrint тестот во моментов сум целосно заглавена.

Ве молам од дното на мојата душа, како жена која буквално моли за својот живот не ме оставајте сама во оваа темнина! Помогнете ми итно да ги соберам потребните средства за да се испратат материјалите уште денес. Секоја ваша донација и секое ваше споделување ми даваат надеж дека мојот живот сепак вреди да биде спасен и дека нема да умрам сама. Подадете ми рака, не дозволувајте пустите пари да ми пресудат!