Одобрена исплата към ISTANBUL MEMORIAL SAGLIK YATIRIMLAR

Почитувани пријатели, би сакала да споделам информација за досегашниот тек на лекувањето на мојот сопруг. Методија продолжува да се бори со тешката болест, со помош и голема поддршка на многу добри луѓе. До сега, Методија прими шест хемотерапии и пет имунотерапии, односно го заврши првиот циклус на лекување. Лекувањето го издржа храбро, но повремено беше пропратено со последици како зголемена температура и забавена мобилност, со кои ние засега успешно се бориме и среќни сме што имавме вистински професионалци и добронамерници да не поддржуваат во овој процес. По завршување на овој прв циклус терапија, препораката од нашата докторка е да се провери состојбата и резултатот од терапиите со помош на Позитронска емисиона томографија која е закажана да се изврши оваа недела. Резултатот од истата ќе помогне да се одредат понатамошните чекори за лекување. Планот е да продолжиме со терапија според препораките на лекарите и според достапните ресурси. Посакуваме и се надеваме на подобрување. Нашето семејство е бескрајно благодарно за огромната поддршка која ја доби во овој најтежок период.