Да го спасиме животот на Леон

Кога ќе го погледнам мојот Леон, срцето ми се кине и во исто време се полни со љубов. 💔

Тој има осум години, а уште од раѓање ја води најтешката битка – битка што ниедно дете не треба да ја води.Леон е роден со спина бифида во долниот дел од ’рбетот и хидроцефалус. Поради ова, тој не може да ги мрда долните екстремитети. Уште од првиот ден, неговото детство не е како на другите деца. Наместо трчање, игра и безгрижност – болници, операции и солзи.

До сега Леон помина низ две тешки операции. Многу болка, многу страв, но и огромна храброст. Тој никогаш не се жали. Само ме гледа со тие негови очи полни надеж… а јас како мајка се распаѓам одвнатре затоа што не можам да му го дадам она што најмногу го посакува – да застане, да чекори, да трча со другарчињата.

Сега пред нас е нова операција во болница во Белград.Операција која може да биде чекор кон подобар живот за моето дете.За неа се потребни 8.000 евра – сума што за нашето семејство е недостижна без помош.

Живееме со голема тага, но и со надеж. Надеж дека ќе дојде денот кога Леон нема само да гледа како другите деца играат, туку ќе биде дел од нив. Надеж дека неговото детство нема засекогаш да биде врзано за болка и ограничувања.

Затоа, со сето мое мајчино срце, ве молам – помогнете му на Леон.Секој ваш денар, секое споделување, секоја подадена рака значи чекор поблиску до неговата шанса.
Да ја обединиме хуманоста.
Да му помогнеме на ЛЕОН да се избори за детство исполнето со игра, смеа и надеж. 💙