Багер ни ја турна куќата додека спиевме!!!

Живееме во страв: Багер ни ја сруши куќата, а секоја вечер стравуваме дека остатокот ќе се сруши врз нас!
Јас сум Џенгис Сефери од Штип. Со мојот брат сме социјално загрозено семејство, како деца без родители, кои преку ноќ го изгубија и она малку што го имаа единствениот покрив над главата.

На 8 јули 2026 година, околу 4 часот наутро, додека мирно спиевме, се разбудивме во вистински хорор. Непознато лице со багер, незаконски и без никакво претходно предупредување, удри и урна голем дел од нашата куќа. Од силината на ударот, штетата е огромна. Кујната е уништена, а во собата каде што престојува брат ми, покривот е целосно срушен и буквално се гледа небото.

Веќе цел месец живееме во оваа агонија. Барам одговори од институциите, барам правдата да излезе на виделина за штетата што ни ја предизвикаа, но очигледно наидуваме на затворени врати. Не видоа сами, без родители и без заштита, па мислат дека можат да не газат. Но, и ние сме луѓе, живееме во оваа држава и имаме право на безбеден дом!Бидејќи ниту јас, ниту брат ми сме вработени, оставени сме сами на себе и немаме апсолутно никакви средства да ја поправиме оваа катастрофа. За да ја спасиме куќата од целосно рушење, итно ни се потребни најмалку 3.000 евра само за основни градежни материјали: цемент, железо, песок, блокови, керамиди и греди за плочата.

Оваа сума ги покрива само материјалите, без трошоците за мајстори. Ни треба речиси сè, а ние немаме ништо.Ве молам од сè срце, верувајте ми и помогнете ни. Секоја ваша донација, секој споделен апел, за нас значи надеж дека нема да останеме на улица. Подадете ни рака за да го обновиме нашиот дом и да не стравуваме за нашите животи.
Ви благодарам бескрајно на сите хумани луѓе!