5 дена за спас на семејство Ристески!

Имам само 5 дена. Ми рекоа дека ако не ги заштитиме ѕидовите во следните неколку дена, влагата ќе ја јаде конструкцијата и повеќе нема да има враќање назад. Ќе останеме на улица засекогаш.

!СЕ МОЛАМ ЗА ВАШАТА ПОМОШ – ИМАМ САМО 5 ДЕНА ПРЕД ДОЖДОТ ДА УНИШТИ СЕ!
Јас сум Димче Ристески и ова е мојот последен крик за помош.

Пред неколку дена, за само неколку часа, го гледав мојот живот како се претвора во пепел. Сè што со години градевме со сопругата, секој агол каде што растеше нашата 13-годишна ќерка, исчезна во пламенот. Но, болката не застана таму.

Она што не го согори огнот, сега го уништува дождот. Куќата нема покрив. Веќе неколку дена врне без престан, а јас стојам немоќен и гледам како она малку што ни остана – неколку парчиња облека и преживеан мебел – скапува во кал и влага.

Моето семејство нема каде да спие вечерва.Најтешко ми е кога ќе ја погледнам мојата сестра. Таа има сериозно оштетен вид и за неа овој дом беше единственото место каде што се чувствуваше безбедна.

Сега, таа се движи нестабилно низ урнатини и влага, не знаејќи каде е подот, а каде е таванот.

Ве молам, бидете наш покрив!

Јас сам не можам. Моите примања не се ни приближно доволни за да го сопрам ова пропаѓање. Ве молам, како татко, како брат и како човек – помогнете ми да им обезбедам покрив над главата на моите најмили.
Не ме оставајте сам да го гледам мојот дом како се распаѓа во калта.