18 операции не беа доволни: Спас за Божидар

НЕМАМЕ ВРЕМЕ!! Моето дете не може да дише… не може да се храни… има тешко стеснување на хранопроводот и собира течност во стомакот. Неговата состојба се влошува со секој изминат ден. Ве молам, помогнете ми да го спасам!

Божидар досега помина низ 18 тешки интервенции, од кои 8 беа извршени во странство.Неговото детство не е игра и смеа. Тоа е 14-годишна сурова битка за секоја голтка воздух и секој залак храна. Потрошивме стотици илјади евра само за да го одржиме во живот, но сега сме пред ѕид кој сами не можеме да го прескокнеме. Во Македонија и Турција ни нудат само привремени решенија, мачни дилатации со балон кои траат кратко и не го решаваат коренот на проблемот.

Но, постои надеж. Специјалистите од Америка и Англија потврдуваат дека постои трајно решение преку сложена реконструктивна операција.Во овој момент сме во фаза на одлука помеѓу клиниките во Америка и Англија, водени единствено од тоа каде Божидар би го добил најбрзиот и најбезбедниот третман со оглед на неговата тешка состојба која не дозволува долги патувања.

Божидар по операција во Македонија во моментов има вода во стомакот и дијагноза (Megaesophagus) - неговиот хранопровод е двојно проширен од нормалното и Nissen fundoplication, која довела до тешко стеснување (Esophageal stenosis). Наместо да му помогне, зафатот создаде пречка низ која храната не може да помине.

18 пати моето дете се бореше само, јуначки, со нас како негови родители кои бевме неговата единствена планина и потпора со бог над нив.Сега да застанеме и да се сплотиме сите заедно да се бориме со Божидар!