Здраво,

Јас сум Роберт Раденковиќ. Веќе 18 години го живеам животот врзан за хемодијализа. Мојата дијагноза започна со висок крвен притисок, но со годините се претвори во секојдневна борба – борба за здив, за надеж, за уште еден ден со семејството.Како сопруг, татко… и дедо на едно прекрасно девојче кое има само 4 години.

Таа е мојата светлина. Моето се. А секое утро кога одам на хемодијализа, таа плаче и ме моли: „Не оди, дедо, остани дома.“ Се плаши да ме гушне – не сака да ме повреди.🥺 Се плаши од катетерот кој ми виси од вратот, знае дека боли. А јас... јас само сакам да живеам за да ја гледам како расте💔

Во овие 18 години, имав шест фистули кои тромбозираа. Имав катетри на нозете кои исто така се затворија – и бев на чекор до тоа да останам инвалид. Сега, немам веќе можности за нови фистули. Единствениот начин да преживеам е катетерот што го носам на вратот – кој оди директно до срцето. Тој е моја врска со животот, но и опасност – секој момент може да предизвика инфекција, сепса… и трагичен крај.Животот ми виси на конец, а единствена шанса за спас ми е трансплантација на бубрег во странство. Тоа е мојата надеж. Но, тоа е и нешто што сам не можам да го постигнам. Операцијата е скапа, а моето семејство веќе премина низ сè. Потребна ми е ваша помош. Помош за живот🙏

Секој ваш денар не е само донација – тој е здив за мене, ден повеќе со моето семејство, можност повторно да ја гушнам внука ми без таа да се плаши. Можност повторно да се насмеам. Да живеам.

🙏Ве молам – ако можете, помогнете ми. Да не биде ова мојот крај, туку нов почеток.
За мене. За моето семејство. За мојата внука⏳💔