Три децении работевме и го градевме нашиот живот. Почнав да работам во 1991 година и цели 30 години приоритет ми беше семејството – да се оженам, да изградиме дом, да ги израснеме и образоваме децата, да им обезбедиме сигурна иднина. Денес сме на 55 години и конечно во пензија. Имаме покрив над главата, здравје и мирен живот.

Но, еден сон остана неисполнет цели 25 години – моторот кој го видов првпат на една бензинска пумпа и уште тогаш го посакував: BMW 1200 GS Adventure. Тој мотор за нас не е само возило – тоа е симбол на слободата, на патот, на новите хоризонти.

Сонувавме еден ден да го возиме заедно со мојата сопруга, да патуваме низ Македонија и пошироко, да ги посетиме сите убави места, да уживаме во патувањата, природата и одморите. Да го живееме тоа што го одложувавме со години.

Ние не бараме луксуз – не нов мотор, туку половен, доволно добар да нe носи по патиштата каде што сонот станува реалност. Сега, кога сите животни обврски се зад нас, веруваме дека е вистинскиот момент конечно да го оствариме овој сон – со ваша помош.

Ви благодариме што сте дел од нашата приказна.