18-ти март 2025

Му дадовте надеж на Дани да живее!

Пред три години, малиот Даниел (11 години) беше дијагностициран со тешка форма на тумор – тумор на Вилмс, стадиум 4. Помина низ комплицирана операција, долготрајна хемотерапија и зрачна терапија, и успеа да постигне ремисија. Но, по единаесет месеци – болеста се врати… 💔

Со ваша помош, Дани итно отпатува за Турција, каде што лекарите започнаа со целна терапија, која и понатаму ја прима во домашни услови. На секои два месеца го очекуваат контролни прегледи, снимања и магнетна резонанца за да се увериме дека ја добива оваа борба!

И сега – добри вести!

По последните испитувања, лекарите потврдија дека состојбата на Дани е стабилна! Тој продолжува со лекувањето со неверојатна сила, истрајност и борбен дух! 

💚 Ви благодариме од срце! Вашата поддршка, донации и добрина му го осветлуваат патот напред!

Како и секое дете, Дани заслужува детство исполнето со соништа, игри и насмевки. Секоја помош е бесценета! 🙏

Благодариме што го поддржавте и што продолжувате да бидете со него!