18-ти август 2025

Гери е во ремисија – заедно го остваривме чудото!

Денес со вас споделуваме вест која ги исполнува нашите срца со радост и благодарност – Гери е во ремисија!

По месеци на предизвици, долги болнички денови, безброј испитувања и тешки терапии, резултатите покажаа дека третманот делува и болеста се повлекла.

Патот до тука не беше лесен. Леукемијата ја стави Гери и нејзиното семејство во ситуација во која секоја минута беше важна, а секоја помош – непроценлива.

Со огромната поддршка на повеќе од 4.997 донатори, кои заедно собраа над 159.601 EUR, Гери ја доби потребната помош и сила да ја продолжи својата борба.

Денес, насмевката на Гери е најголемиот доказ дека чудата се случуваат кога луѓето се обединуваат за една добра цел.

Од името на семејството на Гери и целиот тим на PavelAndreev.ORG, ја изразуваме нашата најискрена благодарност до сите донатори кои подадоа рака и ја вратија насмевката на малата Гери.

🔗 Повеќе за кампањата на Гери