Помош за Деки

Здраво на сите,

јас сум Кристина сопруга на Деки. На сите што веќе донираа и го споделија овој апел - од срце ви благодариме.

Знаете како викаат сите среќни семејства наликуваат едно на друго, секое несреќно семејство е несреќно на свој начин...
Тие што поминале низ вакви моменти сигурно барем малку го разбираат миксот на емоции низ кој ние како фамилија поминуваме.
Од тага,нервоза и агонија, до страв и темни сценарија и за крај секогаш надеж, желба, молитви и среќа и за најмалите победи.

Тешко е да си силен за двајца, кога и самиот си тажен, тешко е да си и мама и тато, но најтешки се прашањата.
Кога две малолетни деца имаат многу прашања, а и вие самите не ги знаете одговорите...  
„Кога ќе се вратите со тато? Добар ли е е тато, дали ќе биде подобро?“
Потоа си мислите, колку долг пат изодевме до сега и колку пречки надминавме, сигурно сега не е моментот за да се откажеме.
Деки ја прими првата хемотерапија и веќе е подобро и тоа е она што на сите ни дава мотив за понатаму!

Секоја донација за нас значи надеж, надеж дека нашиот супер-тато ќе оздрави, ќе се врати дома, дека сите заедно ќе јадеме пица, или ќе одиме на одмор, дека ќе гледаме филм
и ќе се расправаме за небитни ситници - она што за некого е едно досадно секојдневие за мене и моите деца е сон и желба...
Ве молам помогнете ни да го спасиме Деки и да се надеваме дека за скоро и од него лично ќе слушнете колку е благодарен.