18-ти март 2025

Вие ѝ дадовте шанса на Ева да ги оствари своите соништа!

Ева е 15-годишно сончево и талентирано девојче, кое ја сака музиката, уметноста и сонува за големата сцена. Но, Ева се соочуваше со најголемиот предизвик – битката за живот.

Родена со срцева малформација, Ева веќе имала две операции. За жал, титаниумската клапа поставена при втората интервенција почна да го загрозува нејзиниот живот, што доведе до потребата од итна нова операција.

Болницата Acibadem Bakirkoy во Истанбул, Турција и тимот на специјалисти беа подготвени да ѝ помогнат, но сумата од 34.250 EUR беше невозможна за семејството. И тука се вметнавте вие – ангели на надежта, нашите неверојатни донатори!

Со радост споделуваме дека Ева успешно ја премина операцијата! Веќе е надвор од болницата и се опоравува, но ќе остане уште една недела во Истанбул за контролните прегледи. Најважното е што се чувствува добро! 

💚 Ви благодариме од срце за поддршката!