Итно за Сања мајка која се бори за спас

Преку ноќ животот ми се смени!!!
Веќе 10 години, моите деца не ме виделе како чекорам без болка. Наместо да трчам по нив, јас ги кријам моите отворени рани и ги прикривам солзите, плашејќи се дека моите нозе повеќе нема да можат да ме носат до нивните прегратки.

Од ден во ден, раните на моите нозе стануваа сe потешки и поболни. Со години молчев, се борев тивко и се надевав дека ќе помине… но денес повеќе не можам сама.Јас сум сопруга и мајка на три деца. Моето семејство е мојата сила, а моите деца се причината поради која не се откажувам. Тие имаат потреба од здрава мајка, од прегратка, од насмевка и од сигурност дека ќе бидам покрај нив.

Ситуацијата е критична.Дијагностицирана ми е тешка инсуфициенција на венскиот систем на двете нозе со отворени хронични рани.Поради долгогодишната состојба, лекарите индицираат итен интравенски третман на вените на двете нозе и постојана хируршка обработка на раните за да се спречат потешки компликации.

За жал, лекувањето е долго и многу скапо, а нашите можности се ограничени. Затоа денес со надеж и со тешко срце барам помош од хуманите луѓе.Секоја донација, секое споделување и секоја поддршка значи чекор поблиску до моето оздравување и до можноста повторно нормално да живеам со моето семејство.

Од срце ви благодарам на сите што ќе помогнат и ќе бидат дел од мојата борба.