Дијабетесот е тивок убиец кој незапирливо се шири низ светот, оставајќи зад себе милиони животи засегнати од неговите сериозни последици. Во 2024 година, бројот на возрасни лица со дијабетес достигна алармантни 850 милиони, речиси двојно повеќе од претходните проценки на Светската здравствена организација. Во Европа, милиони луѓе се борат со оваа хронична болест, која е водечка причина за слепило, откажување на бубрезите, срцеви удари, мозочни удари и ампутации. Во нашата земја, Република Македонија, ситуацијата е исто така загрижувачка.

Во 2024 година, регистрирани се повеќе од 10.000 нови случаи на дијабетес, додека повеќе од 1.500 лица го загубиле животот поради оваа болест. Овие бројки покажуваат дека секој деветти возрасен човек во нашата земја живее со дијабетес. Особено загрижува фактот што дијабетесот сè почесто се јавува кај младите и децата, што укажува на потребата од итна едукација и превенција. Без соодветна грижа и свесност, овие бројки ќе продолжат да растат, носејќи со себе непроценливи загуби за поединците и општеството во целина. Време е да се обединиме и да преземеме акција. Преку едукација, поддршка и превенција, можеме да го намалиме влијанието на дијабетесот и да обезбедиме подобра иднина за нашите деца и млади.

Сакајки да зборуваме гласно за оваа состојба, сакајки да ја отвориме оваа тема во училиштата, ќе започнеме едукација за важноста од спортувањето, правилниот начин на исхраната, менталното и физичкото здравје. ќе зборуваме за дебелината како причина за предијабетна состојба, како и за проблемите со растот. Ќе ги мотивираме децата и младите да ни се приклучат во разни спортско рекреативни активности, заедно ќе приготвуваме здрави оброци, заедно ќе му кажеме НЕ на ДИЈАБЕТОТ !!!