20-ти февруари 2025

Денис се подобрува, а вие сте дел од неговата битка!

Десетгодишниот Денис е насмеано, љубопитно дете кое го сака фудбалот и животот. Но, на почетокот на јули започна неговата најтешка борба – натпревар меѓу него и болеста. По неколку недели со нејасни симптоми, конечно стигна тешката дијагноза: малигнен медулобластом на малиот мозок – агресивен тумор што може да предизвика метастази во 'рбетниот столб.

 Страв и очај… но и надеж!
Денис помина низ тешка мозочна операција, по која десната страна на неговото тело беше зафатена. Започна долг и исцрпувачки процес – хемотерапија и зрачна терапија во Истанбул, постојани прегледи и рехабилитација.

🙏 Чудото се случува!
Драги пријатели, со огромна радост ви споделуваме дека магнетната резонанца покажа дека Дени е ЧИСТ!
Нема метастази, а лекувањето оди во вистинската насока. Се очекува одлуката на лекарите како ќе продолжи третманот по шестиот циклус хемотерапија и дали ќе биде потребна имунотерапија.

💚 Ви благодариме од срце!
Секој од вас е дел од овој пат – со донација, поддршка, убави мисли и споделување на кампањата!