Благодарност до сите хумани срца. Моето срце повторно чука – заради вас!

Јас сум мајка на Оги. Денес, со солзи радосници и срце полно благодарност, ви се обраќам вам – сите што ни подадовте рака кога најмногу ни требаше.

Мојот Оги, моето дете, мојот борец… се врати од Турција каде што ја имаше најважната битка – трансплантацијата што му го спаси животот. И знам дека ова не ќе беше возможно без вас. Без вашата хуманост, без вашата поддршка, без вашата љубов.

Вие му дадовте шанса на моето дете да живее.
Замислете што значи за една мајка да го види своето дете повторно како се смее. Да го гушка со помалку страв и повеќе надеж. Тоа што за некого е мала промена, за нас е чудо. И тоа чудо го направивте вие.Јас сум само една од многуте мајки кои молат за животот на своето дете. Во оваа борба не сум сама – има и други деца кои сѐ уште чекаат.

Ве молам, продолжете да помагате.
Секоја донација, секое споделување, секоја молитва – се важни. Вие не спасивте едно срце – вие спасивте цел свет за една мајка.

Од срце ви благодарам. Вечно ќе ви бидам благодарна.