Ристе е во Турција а средствата за лекување не се собрани сеуште

Стигнав во Турција, а лекувањето се уште не можам да го започнам.

Едно утро, дома, за првпат плукнав крв. По повеќе од еден месец на пулмологија ми кажаа дека имам рак на десното белодробно крило. Терапиите го намалија туморот и отидов на операција со надеж дека се ќе заврши во Македонија. Кога ме отворија, туморот беше двојно поголем од првиот наод, а дел од него беше залепен за голем крвен сад до срцето. Хирургот ме затвори без да го отстрани.

Во Турција ми препорачаа хемотерапија и зрачење, а лекарите велат дека лекувањето треба да почне без одлагање. Сега сум тука. Средствата не се собрани до крај и не можам да почнам.

Дома ме чекаат синовите. Сакам да се вратам кај нив и повторно да застанам пред учениците со гитара во раце.Ви благодарам од срце на сите што досега донираа, споделија и се молат за мене.