Наташа мајка на бебе и петгодишен син има крварења во мозокот и напади потребна е итна операција.

Можете ли да замислите како му е на моето петгодишно дете кога ќе ме види како добивам епилептичен напад и паѓам? Исплашено трча кај татко му и вика: „Дојди, мама падна!“ Потоа ме гледа со тага и страв. А јас сум неговата мајка сакам да направам се за моите деца, но во тие моменти не можам да си помогнам ни себеси.

Јас сум Наташа Донева од Штип, мајка на две мали деца. Едното има пет години, а другото е бебе од 17 месеци кое штотуку прооде. Наместо безгрижно да ги следам неговите први чекори, јас се борам да останам на нозе.Ми беше дијагностициран каверном во мозокот, со големина од 10 мм. Тоа е сплет од неправилно оформени крвни садови што можат да крвават. Се соочувам со крвавења, силни главоболки, притисок во главата, заматен вид и вкочанетост што се јавува наизменично во нозете. Имам и епилептични напади при кои паѓам.Ми беше кажано дека, поради својата местоположба, каверномот може да ги загрози говорот, паметењето и движењето. За мене, како мајка, тоа е страшно. Токму сега, кога моето бебе ги прави првите чекори, а постарото дете има потреба од мене, јас немам сила некогаш да се справам ни со сопствената состојба.

Бебето сака да оди и да истражува, а јас треба да бидам веднаш до него. Но, кога се наведнувам или станувам за да го следам, болката во главата станува посилна и ми се врти. Се трудам да се грижам за децата колку што можам, но има денови кога поради главоболките не можам ни да станам од кревет. Тогаш грижата ја преземаат мојот сопруг и неговиот татко.Лекарите ми кажаа дека операцијата треба да се направи што поскоро и дека одложувањето може да има тешки последици по моето здравје и движење. Се уште немам одреден датум. За лекувањето во Турција е потребна висока сума што моето семејство не може самостојно да ја обезбеди за толку кратко време.

Ми недостигаат нашите прошетки во природа и деновите кога ги гледав децата како си играат во парк. Сакам повторно да создаваме такви спомени. Ве молам, помогнете ми да се лекувам и да се вратам жива и здрава кај моите деца и сопругот. Сакам да бидам покрај нив кога ќе го слушнам: „Мамо, јас те сакам бескрајно“.

Секоја донација и секое споделување ми значат многу. Ви благодарам на сите и помолете го Бог за мене. Вашите молитви се толку силни што сигурна сум дека Бог ќе ве послуша.