11-ти јуни 2025

Надеждата се остварува: Васи е во ремисија

Постојат приказни што нe потресуваат до с'ржта. Приказни што го запираат здивот и не потсетуваат колку е кревок животот – особено кога станува збор за бебе што се уште не ги кажало првите зборчиња. Васи има само година и пол. Насмеано, нежно суштество кое доскоро знаеше само за топлата прегратка на мама и тато, сончевите зраци и светот полн со љубов. Се додека болеста не го промени тоа.

Еден ден се појавија модринки и чудни отекувања. А потоа… тешката дијагноза – акутна миелоидна леукемија. Наместо играчки – инфузии. Наместо насмевки – болка. Започна хемотерапија – тешка, исцрпувачка, неправедна за толку мал организам. И покрај се, Васи се бори. Само затоа што животот е во него – и тој сака да го живее.

Неговото семејство не се откажува и наоѓа надеж – во специјализиран третман што вклучува и трансплантација на коскена срцевина.
Благодарение на 4404 донатори и срцата што не останаа рамнодушни, беше собрана импресивната сума од 186.484,94 EUR. Секој денар, секое споделување го направи чудото возможно.
Со длабока благодарност ја споделуваме веста што сите ја очекувавме – Васи е во ремисија. Претстои трансплантација на коскена срцевина. Ова е нова шанса. Ова е нов живот. Ова е победа – ваша, негова, наша.

Од името на семејството на Васи и тимот на PavelAndreev.org, ја изразуваме нашата огромна благодарност. Вие ја променивте судбината на едно дете. Вие ја вративте надежта. Вие докажавте дека чудата се случуваат кога сме заедно.

Следете новости од кампањата.
🔗 Кампања на Васи: https://pavelandreev.org/mk/campaign/spasi-bebe-vasi