Ристе веќе ги губи сите функции

Веќе не можам да молчам и да гледам како мојот сопруг се гаси пред моите очи и пред очите на нашите три деца.Секој нов ден за нас е пекол, но изминативе денови е најстрашно...Ристе веќе ги губи сите функции. Човекот кој цел живот како наставник читаше и пишуваше, денес не може ниту да го фокусира погледот. Поради двојното и заматено гледање, постојаните силни главоболки и вртоглавици, тој веќе не може да прочита ниту една страница од книгата што толку многу ја сака.

Цел ден го минува лежејќи, целосно изнемоштен. Без сила во рацете и нозете, тој е комплетно зависен од мене јас го бањам, јас го облекувам, тој не може да направи ниту еден единствен чекор сам.А најстрашниот момент ми е кога ќе дојде попладнето... Тогаш започнува неговата мачна борба за воздух. Го гледам како се мачи, како дише длабоко и едвај фаќа здив, а јас стојам до него безпомошна.

Најдовме лекар кој конечно прифаќа да го оперира, но ни потребни 90.000 евра. По сите изминати години борба и болници, ние ги потрошивме сите средства и сме финансиски целосно празни.Ве молам од сè срце... Помогнете ми да го спасам мојот сопруг. Не дозволувајте нашите три дечиња да го изгубат својот татко само поради пари!