Татко на три деца се бори со ТУМОР

МАМО, ТАТО ЌЕ ОЗДРАВЕЕ  НЕЛИ? ... СЕКОЈА ВЕЧЕР МОИТЕ ТРИ ДЕЦА МЕ ПРАШУВААТ ТОА, А ЈАС СЕ ДАВАМ ВО СОЛЗИ И НЕ ЗНАМ ШТО ДА ИМ КАЖАМ! ИМАМЕ ШАНСА ЗА РИСТЕ ОПЕРАЦИЈА НА МОЗОКОТ, НО НИ ТРЕБААТ 90.000 ЕВРА, КОИ НЕМАМЕ ОД КАДЕ ДА ГИ ЗЕМЕМЕ!

Тој е татко на три деца. Има тумор на мозокот и секој ден без операција е ден изгубен. Јас сум неговата сопруга и веќе не знам кон кого друг да се обратам освен кон вас.

Неколку години мојот сопруг се бори за живот, а нашите деца секоја вечер прашуваат: „Мамо, тато ќе оздраве нели?"  Не смеам да им ја одземам надежта, затоа ви го пишувам ова со солзи во очи. На 25 декември 2019 година дознавме дека нешто не е во ред. Тргнавме во Скопје, а потоа и во Турција, се со свои средства, но насекаде ни кажуваа дека нема можност за операција...

Патувавме дури до Турција на радиотерапија и биолошка терапија, продадовме и позајмивме се што имавме, само за да му дадеме шанса на мојот сопруг да остане жив. По тоа, пет години се беше добро Ристе беше здрав и силен. Но минатата година, во март, болеста повторно се врати. Веќе бевме финансиски исцрпени и не знаевме кон кого да се свртиме, бидејќи никаде не можевме да најдеме лекар кој ќе се нафати да ја направи операцијата. За наша голема среќа, конечно најдовме лекар кој се согласи да ја превземе операцијата на Ристе.Болеста веќе му го зема и движењето,денес тешко чекори, а некои денови не може сам да стане од кревет.

Ристе е учител во основно и средно училиште во Богданци, каде предава социологија, граѓанско образование и религија. Тој цел живот им помагаше на другите  работеше како учител, а дома беше сопруг и татко на кого можеше да се потпреш. Сега прв пат во животот моли за помош, и тоа не за себе, туку за да остане жив за своите три деца.

Ова е единствената шанса мојот сопруг да остане жив. Потребните средства се 90.000 евра, а ние немаме веќе ниту денар. Финансиски сме на дно, а времето трага против нас.

Замислете ги нивните лица во денот кога тато ќе се врати дома здрав ќе можат пак да го прегрнат, да прошетаат со него, да растат покрај него. Тоа е се што сакаме. Секоја донација, макар и најмала, е чекор поблиску до операцијата. Секое споделување може да стигне до некого кој ќе помогне. Немаме време за губење.

Ве молам од срце, помогнете му да живее. Помогнете на три деца да не го изгубат својот татко. Итно е. Секоја секунда е важна.