Подадете рака за Влатко – секој чекор значи живот

Почитувани,

Со голема надеж и искрена верба во подобро утре, Ви се обраќаме со молба за помош на мојот сопруг, кој живее со дијагноза мултиплекс склероза. Оваа болест му ги ограничува секојдневните активности и значително го нарушува неговиот квалитет на живот.

Неодамна се појави нова, иновативна и надежна медицинска метода – неуростимулација, која се применува во специјализиран центар во Кипар и веќе покажува значителни резултати кај пациенти со слична состојба. Овој третман претставува реална шанса да му се подобри подвижноста, здравствената состојба и секојдневното функционирање.

За жал, трошоците за целиот третман изнесуваа 23.300 евра, сума која нашето семејство не може самостојно да ја обезбеди. Затоа, со голема почит и благодарност, се обраќаме до сите хумани луѓе кои имаат можност да помогнат – секоја донација, без разлика на износот, е огромен чекор кон подобар живот и надеж за мојот сопруг.

Ваша поддршка значи шанса за нов почеток.
Од срце Ви благодариме за човечноста, солидарноста и за секој ваш придонес.