Подадете рака за Влатко – секој чекор значи живот

Се плашам од денот кога повеќе нема да може сам да стане од кревет.Се плашам од моментот кога ќе ме погледне и ќе ми рече: „Помогни ми“, а јас ќе знам дека болеста победува чекор по чекор.

Јас сум неговата сопруга. Човекот што го сакам, со кој го изградив животот, денес се бори со мултиплекс склероза. Болест што не прашува, не чека, не се заморува. Полека му ја одзема силата од нозете, стабилноста од чекорот, сигурноста од погледот.

Го гледам како се обидува да биде истиот човек. Се труди да се насмевне. Се труди да не нè плаши. Но јас го гледам заморот во неговите очи. Го гледам моментот кога телото му откажува, а гордоста не му дозволува да признае колку му е тешко.

И најмногу ме боли тоа што не можам да ја земам болката од него. Не можам да ја живеам наместо него. Можам само да стојам до него и да се преправам дека сум доволно силна.

Има нова метода – неуростимулација во Кипар. Докторите велат дека може да му ја подобри подвижноста, да му го олесни секојдневието, да му врати дел од независноста. За нас тоа не е „третман“. Тоа е шанса да не го гледам како полека се губи пред мене.

Но цената е 23.300 евра. Сума што не можеме сами да ја собереме. И тешко е да молиш. Тешко е да признаеш дека не можеш сам. Но уште потешко е да гледаш како човекот што го сакаш се бори, а ти немаш доволно средства да му помогнеш.

Затоа ве молам – помогнете ни.
Помогнете му да не ја изгуби борбата.
Секој денар значи надеж.Секое споделување значи дека не сме сами.

Јас само сакам да го видам како оди покрај мене уште многу години.
Сакам да му ја вратам надежта што болеста му ја краде.