Напредокот е огромен, но сметката е празна...

Мојот Ѓорѓи како со сите сили се труди да застане на нозе, а мене ми се плаче оти знам дека сметката ни е празна и немаме како да продолжиме!Штотуку се вративме од терапиите во Белград. Луѓе, вежбите таму навистина делуваат! Мојот син е се посилен и очигледно напредува со секое наше одење. Вие ни ја дадовте таа шанса и до небо сум ви благодарна.

Ама сега сме ставени до ѕид. За да не пропадне сета оваа мака и Ѓорѓи да продолжи со рехабилитациите кои буквално му го менуваат животот, ни фалат уште 7.800 евра. Јас тие пари ги немам. Најтешкото нешто на светот е кога знаеш дека лекот е тука, пред тебе, дека детето ти закрепнува, а ти како родител не можеш да го платиш.

Ве преколнувам како мајка, не дозволувајте мојот Ѓорѓи да застане сега кога конечно почна да победува! Подадете ни рака, донирајте колку што можете и помогнете ми да си го кренам детето на нозе. Без вас, ние сме немоќни.