Ако не се оперирам што побрзо ќе умрам !!!

Имам бебе и петгодишен син, а лекарите ми рекоа дека носам бомба во главата. Каверномот во мозокот ми крвари капка по капка и секој момент може да пукне.

Ако не се оперирам што побрзо, ќе умрам. Тоа ми го рекоа лекарите. Моите деца ќе останат без мајка.

Вчера направив компјутерска томографија на мозокот. Каверномот е пораснат до граница од која повеќе не смее да расте, бидејќи ќе пукне. На незгодно место е и ги притиска сите витални функции. Може да пукне или да добијам мозочен удар со крварење денес, утре, во секој момент.
Имам силно кочење во нозете и страшни главоболки. Од денес сум на инфузии во дневна болница, поради главоболките и отокот во мозокот. Лекарите ми ги ограничија движењата и работата по дома. Бебето и петгодишниот син сега ги чува сопругот.

Операцијата се уште не е закажана, бидејќи се чекаат донациите. Датумот ќе го добијам дури кога ќе се плати, а јас немам време да чекам. Ве молам како мајка, донирајте. Секоја донација ме приближува до операцијата. Ако не можете, споделете ја оваа вест, за да стигне до некој што може да помогне.