Сакам моите две мали деца да го имаат својот татко!

Следната недела ме чека уште една многу важна медицинска интервенција, а средствата за неа се уште не се собрани. Зад мене се две операции, бројни медицински интервенции и многу тешки години исполнети со неизвесност и болка. Сега ми треба уште една, а јас и моето семејство сами не можеме да ја платиме.

Ова е најтешката битка во мојот живот. Битка за живот. Со години се соочувам со тешка здравствена состојба, но денес се уште сум тука, се уште се борам и нема да се откажам.

Сакам да живеам. Сакам повторно да бидам со моето семејство, моите две мали деца повторно да го имаат својот татко покрај себе, а моите најблиски да не ја изгубат надежта. Оваа интервенција е нова надеж за мојот живот. Времето не чека. Средствата мора да бидат собрани најдоцна до следната недела, а ние се уште не сме ги собрале. Јас не барам ништо повеќе од шанса да продолжам да живеам.

Ве молам, ако можете, донирајте. Ако не можете, споделете ја мојата кампања. Можеби токму вашето споделување ќе стигне до човекот кој ќе може да ми помогне.Ви благодарам од срце на сите што сте дел од мојата борба. Вашата помош за мене значи живот.