Да и дадеме шанса на Магдалена да биде дете

Децата понекогаш ја гледаат чудно, ја избегнуваат, а понекогаш дури и и се потсмеваат. Таа не разбира зошто е различна.
Ни недостасуваат уште 5.600 евра.

Замислете за момент дека ова е вашето дете. Дека ве гледа во очи и ве прашува: „Мамо, кога ќе ми помине ногата?“ А вие знаете дека има решение, но не можете сами да му го обезбедите.
Магдалена е дете како сите други. Сака да игра, да трча, да биде со другите деца. Но реалноста е поинаква. Таа оди на прсти, со напор и болка. Децата понекогаш ја гледаат чудно, ја избегнуваат, а понекогаш дури и и се потсмеваат. Таа не разбира зошто е различна.

За една мајка ова е најтешкото. Да го гледаш своето дете како страда, како се обидува да биде како сите, а не може. Да ја чувствуваш неговата болка - не само физичката, туку и онаа што останува длабоко во него.
Со секој изминат ден состојбата се влошува. Скратената тетива почнува да го искривува нејзиното тело и ако не се дејствува сега, последиците ќе бидат доживотни.

Има решение. Потребна е операција која може да и помогне да стапнува нормално и да живее без болка. Но сумата од 7.500 евра е преголема за нас.
Затоа се обраќаме до вас.
Помогнете и на Магдалена да има детство. Да трча со своите сестрички, да игра и да не биде различната.