Борбата за живот продолжува

Почитувани пријатели, би сакала да споделам информација за досегашниот тек на лекувањето на мојот сопруг. Методија продолжува да се бори со тешката болест, со помош и голема поддршка на многу добри луѓе. До сега, Методија прими шест хемотерапии и пет имунотерапии. Лекувањето го издржа храбро, но истото беше пропратено со последици како зголемена температура, телесна слабост и забавена мобилност. По завршување на овој прв циклус, препораката од нашата докторка беше да се провери состојбата и резултатот од терапиите со помош на Позитронска емисиона томографија која е веќе извршена. Планот е да продолжиме со лекување според препораките кои ќе ги добиеме од нашите доктори, достапните ресурси и според достапните и препорачани техники на лекување до кои ќе успееме да дојдеме. Посакуваме и се надеваме на подобрување, а нашето семејство е бескрајно благодарно за огромната поддршка која ја доби во овој најтежок период.