Бахар и Абаз молат за светлина во очите 🙏

Замислете да ги гледате вашите деца како секој ден ја губат светлината во своите очи… а вие, како нивни родители, да не можете ништо да направите.💔

Ние сме мајка и татко на Бахар и Абаз – брат и сестра кои боледуваат од тешко генетско очно заболување: Дистрофија на макула. Оваа болест полека им го гаси видот. Ден по ден, клетките умираат, а со нив и нивната можност да гледаат.

Тие се мали, невини деца… а нивното детство е полно со препреки. Во училиште, додека другите деца пишуваат и читаат, нашите Бахар и Абаз мораат да станат, да одат до таблата за да ја видат наставата. Се враќаат назад на столчето – и повторно ништо не е доволно јасно. 😢
Сите деца се радуваат на сонцето и на убавото време. Нашите деца – се кријат од сончевите зраци, затоа што тие им се најголем непријател.

👉Единствена шанса за нив е трансплантација со матични клетки.
👉Цената е 24.000 евра – износ што за нас како родители е недостижен😢

Секој нивни роденден тие не посакуваат играчки. Посакуваат само едно: да ја задржат светлината во своите очи. 🌟
Затоа, денес со огромна надеж, ви се обраќаме‼️
Помогнете им на нашите деца! 🙏
Дајте им шанса да продолжат да гледаат, да учат, да растат, да ја живеат својата детска радост.

Секој ваш денар е чекор кон нивниот спас.
Секое споделување е глас повеќе за нивната надеж.
Заедно можеме да го оствариме нивниот сон – да ја вратиме светлината во нивните очи! 💙💙